Saçların ağarması zamanla təbii bir proses olsa da, bu gün bir çox gənclər, hətta yeniyetmələr də bu vəziyyətlə üzləşirlər. Saçların ağarmasında bir çox faktorlar rol oynayır. Bunlardan biri vitamin çatışmazlığı ola bilər. Bəs, hansı vitamin çatışmazlığı saçların ağarmasına səbəb olur?
Saçların ağarması mürəkkəb bir prosesdir və genetik meyl, qidalanma vərdişləri və stress kimi bir çox faktordan təsirlənir. Qidalanma vərdişləri də saç sağlamlığına təsir göstərir. Xüsusilə, bəzi vitaminlərin çatışmazlığı melanin istehsalına mənfi təsir göstərə bilər və saçların ağarmasına səbəb ola bilər. Bəs, hansı vitamin çatışmazlığı saçların ağarmasına səbəb olur? Bilməli olduğunuzu xəbərlərimizdə topladıq...
B-6, B-12, biotin, D vitamini və ya E vitamini çatışmazlığı saçların vaxtından əvvəl ağarmasına səbəb ola bilər. B12 vitamini çatışmazlığı uşaqlarda belə saçların ağarmasına səbəb olarkən, fol turşusu çatışmazlığı zülalın orqanizm tərəfindən emal edilməsində problemlər yaradaraq saçların vaxtından əvvəl ağarmasına səbəb ola bilər.
İnsan bədənində milyonlarla saç folikülü və ya dərini örtən kiçik kisələr var. Saç follikullarında melanin kimi tanınan piqment hüceyrələri var. Bu hüceyrələr saçınıza öz rəngini verir. Lakin zaman keçdikcə saç follikulları piqmentləri itirərək saçların ağarmasına səbəb olur.
Saçların erkən ağarmasına səbəb olan amillər bunlardır:
- Yaş
- Genlər
- Melanin çatışmazlığı
- Hormonlar (tiroid bezinin pozulması)
- Vitamin və mineral çatışmazlığı
- Verner sindromu
- Uzunmüddətli stress və ya travma
- Kimyəvi saç boyaları və saç məhsulları
- Oksidləşdirici stress (günəş şüaları, havanın çirklənməsi və s.)
- Hidrogen peroksid
- siqaret
Otoimmün xəstəlik də saçların vaxtından əvvəl ağarmasına səbəb ola bilər. Bu, bədənin immunitet sisteminin öz hüceyrələrinə hücum etdiyi zamandır. Alopesiya və vitiliqo vəziyyətində immunitet sistemi saçlara hücum edə və piqment itkisinə səbəb ola bilər.
Eltac Zülfüqaroğlu/Turkustan.az
