Strateji Obyektlərin Mühafizəsi Dövlət Agentliyində Anım Gününə həsr olunmuş tədbirlər keçirilib.
Bu barədə qurumdan məlumat verilib.
Bildirilib ki, tədbir çərçivəsində Agentlik rəisinin müavini, polkovnik Fizuli İmrəliyev "Müzəffər tarixin başlanğıc günü" mövzusunda çıxış edib. Daha sonra "Şuşa, Sən Azadsan!" sənədli filmi nümayiş olunub.
Həmçinin Agentliyin regional idarələrinin hərbi qulluqçuları tərəfindən rayon və şəhərlərdə yerləşən Şəhidlər xiyabanları və şəhidlərin xatirə kompleksləri ziyarət olunub, şəhidlərin əziz xatirəsi ehtiramla anılıb. Regional idarələrin akt zallarında şəxsi heyət qarşısında Anım Gününə həsr olunmuş çıxışlar edilib.
Paylaş:
