Beynəlxalq bazarlarda Brent markalı neftin bir barreli 84,87 dollara satılır.
Turkustan.az xəbər verir ki, cümə günü 86,35 dollara kimi bahalaşan Brent markalı neftin barel qiyməti günü 85,03 dollarla başa vurub. Brent markalı neftin bir barelinin qiyməti 09,52-də bağlanış vaxtı ilə müqayisədə 0,19 faiz azalaraq 84,87 dollar olub. Eyni zamanda, West Texas Intermediate (WTI) markalı xam neftin bir barreli 80,86 dollara satılıb.
Qiymətlərin azalmasında ABŞ dollarının bahalaşması təsirli olub.
ABŞ prezidentliyinə namizəd Donald Trampa sui-qəsd cəhdindən sonra möhkəmlənən dollar indeksi hazırda 103 980 səviyyəsindədir.
Güclü ABŞ dolları digər valyutalardan istifadə edən alıcılar üçün dollarla ifadə edilən nefti bahalaşdırır, alışların azalmasına və qiymətlərin azalmasına səbəb olur.
Yaxın Şərqdə Qəzzadakı münaqişələrə son qoymaq üçün İsrail və HƏMAS arasında aparılan danışıqlarla bağlı qeyri-müəyyənlik qiymətlərə təsir edir.
HƏMAS-ın dünən verdiyi yazılı açıqlamada, HƏMAS Siyasi Bürosunun sədri İsmayıl Haniyənin İsrailin baş naziri Binyamin Netanyahunun Qəzzada atəşkəs və əsir mübadiləsi razılaşmasının əldə olunmasına maneələr yaratdığını ifadə etdiyi bildirilib.
İsrail ordusunun şənbə günü Qəzzanın qərbindəki Əş-Şati Qaçqınlar Düşərgəsindəki Əl-Abyad məscidinə hücumu nəticəsində 18 nəfər, qərbindəki Əl-Məvasi bölgəsinə təşkil edilən hücumda isə 90 nəfər həyatını itirib. Qəzza zolağının cənubundakı Xan Yunis şəhəri.
Bildirilir ki, texniki baxımdan 85,93 ilə 87,33 dollar arasındakı diapazona müqavimət, 84,53 ilə 83,13 dollar arasındakı diapazon Brent markalı neft üçün dəstək zonası kimi qiymətləndirilə bilər.
Eltac Züflüqaroğlu/Turkustan.az
