Şimali Kipr Türk Respublikasının (ŞKTR) Baş naziri Ünal Üstel avqustun 30-da Girne sahillərində batan sərnişin gəmisindən sonra itkin düşən daha bir şəxsin cəsədinin tapıldığını açıqlayıb.
Turkustan.az xəbər verir ki, Üstel bildirib ki, bununla da faciə nəticəsində ölənlərin sayı 15-ə yüksəlib, itkin düşənlərin sayı isə 13-ə enib.
“Bu faciədə həyatını itirənlərin ailələrinə başsağlığı verir, onların ruhuna rəhmət diləyirik. Tapılan şəxsin kimliyinin müəyyənləşdirilməsi üçün lazımi prosedurlara başlanılıb”, - deyə Üstel qeyd edib.
Baş nazir bildirib ki, faciənin baş verdiyi ilk andan etibarən ŞKTR-nin bütün resursları səfərbər edilib və itkin düşən digər şəxslərin tapılması istiqamətində axtarış-xilasetmə işləri fasiləsiz davam etdirilir.
Məlumata görə, cəsəd batan sərnişin gəmisinin qalıqları arasında aşkarlanıb.
Aytən Yaşar/ Turkustan.az
