Suriyanın paytaxtı Dəməşqin Cəramana məhəlləsində sərnişin mikroavtobusunda baş verən partlayış nəticəsində ölən və yaralananların olduğu bildirilir.
Turkustan.az xəbər verir ki, Suriyanın rəsmi xəbər agentliyi SANA-nın məlumatına görə, mikroavtobusa yerləşdirilmiş əldəqayırma partlayıcı qurğu işə düşüb.
Suriya dövlət televiziyası Əl-İxbariyyə də hadisəni təsdiqləyərək bildirib ki, partlayış nəticəsində ölən və yaralananlar var.
Hadisə ilə bağlı araşdırma aparılır. Ölən və xəsarət alanların dəqiq sayı hələlik açıqlanmayıb.
Aytən Yaşar/ Turkustan.az
