Türkiyə Milli Kəşfiyyat Təşkilatının (MİT) direktoru İbrahim Kalın Ankarada Suriyanın xarici işlər naziri Əsəd Həsən Şeybani ilə görüş keçirib.
Turkustan.az xəbər verir ki, təhlükəsizlik mənbələrinin məlumatına görə, görüşdə Türkiyə-Suriya münasibətlərinin hazırkı vəziyyəti, ikitərəfli əməkdaşlığın inkişafı, qonşu ölkələrlə əlaqələr və regional sabitlik məsələləri ətrafında fikir mübadiləsi aparılıb.
Tərəflər Livandakı son vəziyyəti və Suriya-Livan münasibətlərini də müzakirə ediblər.
Bundan əlavə, görüşdə Suriyada gündəmdə olan "Milli Həmrəyliyin və Sosial İnteqrasiyanın Gücləndirilməsi haqqında" qanun layihəsinin ölkəyə mümkün təsirləri də dəyərləndirilib.
AYtən Yaşar/ Turkustan.az
