Dişlərin səhv texnika ilə fırçalanması, ümumi inanıldığının əksinə, daha yaxşı təmizlik təmin etmir; əksinə, zamanla diş minasını aşındıraraq dişlərin saralmasına səbəb ola bilər.
Turkustan.az xəbər verir ki, sərt fırçadan istifadə etmək, həddindən artıq təzyiq göstərmək və turş içkilərdən dərhal sonra dişləri fırçalamaq diş səthinə daimi zərər vurma riskini artırır. Ortodont Dr. Kıvanç Cebesoy xüsusilə 40 yaşdan sonra minanın incəldiyini və bu səbəbdən altındakı dentin toxumasının daha görünən hala gəldiyini bildirir.
Diş sağlamlığı ilə bağlı maraqlı məqam ondan ibarətdir ki, dişlərini düzgün təmizlədiyini düşünən bir çox insan əslində səhv texnika istifadə edir. Gündəlik baxımın əsas hissəsi olan diş fırçalama düzgün aparılmadıqda zamanla dişlərin daha sarı görünməsinə səbəb ola bilər. Ağız gigiyenasına ciddi riayət edən insanların belə illər keçdikcə diş rəngində dəyişiklik müşahidə etməsi mina aşınması ilə izah olunur.
Dr. Kıvanç Cebesoy qeyd edir ki, xüsusilə 40 yaşdan sonra diş rəngindəki dəyişikliklər daha aydın görünür və bu, həmişə gigiyena çatışmazlığı ilə bağlı olmur. Onun sözlərinə görə, əsas məsələ fırçalama tezliyi deyil, düzgün texnikadır. Sərt tüklü fırçalar, güclü üfüqi hərəkətlər, yüksək aşındırıcı diş məcunları və turş qidalardan sonra dərhal fırçalama vərdişi zamanla mina təbəqəsini zəiflədə bilər.
Aytən Yaşar/ Turkustan.az
