"44" bədii filmi kinoteatrlarda nümayiş olunduğu 15 gün ərzində 122 min izləyici toplayaraq Azərbaycan kino tarixində rekord baxış sayına çatıb.
Turkustan.az xəbər verir ki, bu barədə Prezidentin köməkçisi Anar Ələkbərov sosial şəbəkə hesabında paylaşım edib.
Anar Ələkbərov əldə olunan uğurun sadəcə rəqəmlərdən ibarət olmadığını vurğulayıb:
"Bunlar sadəcə rəqəmlər deyil. Bu, Azərbaycan kinosunun böyük potensiala və böyük gələcəyə malik olduğunun sübutudur".
O, layihəyə inanan, dəstək olan və hər zaman yanlarında olan hər kəsə təşəkkür edib, eləcə də göstərdikləri etimad, maraq və səmimi duyğulara görə tamaşaçılara minnətdarlığını bildirib.
Xatırladaq ki, Azərbaycanın Vətən müharibəsində qəhrəmanlığına həsr olunan “44” bədii filminin təqdimatı oktyabrın 12-də Heydər Əliyev Mərkəzində keçirilib. /Bakıvaxtı.az/
