Qızıl ABŞ Federal Ehtiyat Sisteminin (FES) gələn ay faiz dərəcəsini artıracağı ilə bağlı gözləntilərin zəifləməsi fonunda ardıcıl üçüncü sessiyada bahalaşıb.
Turkustan.az xəbər verir ki, spot qızılın qiyməti 0,2 faiz artaraq bir unsiya üçün 4 424,28 dollara çatıb. ABŞ qızıl fyuçersləri də 0,2 faiz yüksələrək 4 480,90 dollar olub.
ABŞ dollarının əsas valyutalar qarşısında zəifləməsi də qızılın bahalaşmasına təsir edən amillərdən biri olub.
Analitiklər ABŞ-də açıqlanan zəif iqtisadi göstəricilərin FES-in faiz dərəcələrini dəyişməyəcəyi ilə bağlı gözləntiləri gücləndirdiyini bildirirlər.
Bazar iştirakçıları FES-in son iclasının çərşənbə günü açıqlanacaq protokolunu gözləyirlər. /BakuPost/
