“ABŞ prezidenti Co Baydenin ictimai bəyənmə reytinqi bu ay təxminən iki ilin ən aşağı səviyyəsinə düşüb”.
Turkustan.az xəbər verir ki, bu barədə “Reuters” agentliyi ABŞ-da keçirilən sorğunun nəticələrinə əsasən məlumat yayıb.
Məlumata görə, Baydenin reytinqinin aşağı düşməsi onun yenidən prezident seçilməsini sual altına qoyur.
“Bazar ertəsi başa çatan dörd günlük sorğu göstərdi ki, amerikalıların cəmi 36 faizi Baydenin prezident kimi işini bəyənir. Apreldə bu rəqəm 38 faizdən yuxarı idi. Bu, 2022-ci ilin iyulunda müşahidə edilən ən aşağı reytinqə qayıdış oldu”.
Sorğu Baydenin zəif yönləri ilə yanaşı, bir sıra güclü tərəflərini də üzə çıxarıb. Respondentlərin təxminən 21 faizi əsas problem kimi siyasi ekstremizmi, 13 faizi isə immiqrasiyanı göstərib.
Sorğuda iştirak edən respondentlərin təxminən 40 faizi 2017-2021-ci illərdə prezident olmuş Trampın ABŞ iqtisadiyyatı ilə bağlı daha yaxşı siyasət yürütdüyünü bildirib.
Tramp immiqrasiya məsələsində də əhəmiyyətli liderliyə malikdir. Belə ki, respondentlərin 42 faizi onun bu məsələ ilə bağlı yanaşmasına üstünlük verib, 25 faiz isə Baydeni seçib.
Bundan başqa Baydenin 81 yaşının olması da seçiciləri narahat edir. /globalinfo.az/
