Atəşkəsə baxmayaraq, İsrail ordusunun Qəzzada yaşayış binasına endirdiyi zərbə nəticəsində biri gənc qız olmaqla 5 fələstinli həlak olub.
Turkustan.az xəbər verir ki, İsrail ordusu Qəzza zolağının qərbində yerləşən Əl-Əsala binasının birinci mərtəbəsinə hava zərbəsi endirib.
Hücum nəticəsində 5 fələstinli, o cümlədən bir gənc qız həlak olub, bir neçə nəfər yaralanıb. Zərbə nəticəsində ərazidə ciddi dağıntılar yaranıb.
Həlak olanların və yaralananların şəhərdəki Şifa xəstəxanasına çatdırıldığı bildirilib.
2025-ci il oktyabrın 10-da qüvvəyə minən atəşkəsə baxmayaraq, İsrail ordusu Qəzza zolağına hücumlarını davam etdirir.
Məlumata görə, atəşkəs qüvvəyə mindikdən sonra İsrailin Qəzzaya hücumları nəticəsində təxminən 1500 fələstinli həlak olub, 5 mindən çox insan yaralanıb.
2023-cü ilin oktyabrından etibarən İsrailin Qəzza zolağına hücumları nəticəsində ölən fələstinlilərin sayı 74 040-a, yaralananların sayı isə 175 168-ə çatıb.
Aytən Yaşar/ Turkustan.az
