ABŞ Kanada ilə ticarət danışıqlarında daha yumşaq mövqe nümayiş etdirməyə başlayıb.
Turkustan.az xəbər verir ki, bu barədə Kanadanın Baş naziri Mark Karni Millətlər Birliyi sammiti çərçivəsində jurnalistlərə açıqlamasında bildirib.
“Onlar indi daha az tələb edir və daha çox təklif edirlər, amma biz hələ razılığa gəlməmişik”, – deyə Karni qeyd edib.
Baş nazirin sözlərinə görə, ABŞ Kanadanın “qırmızı xətləri” ilə bağlı tələblərindən, o cümlədən fransız dilinin qorunmasına və Ottavanın digər tərəfdaşlarla ticarət sazişləri bağlamaq suveren hüququna qoyulan məhdudiyyətlərdən imtina edib.
“Bu məsələlər hazırda danışıqlar masasında deyil və bu, çox yaxşıdır”, – deyə Karni vurğulayıb.
O bildirib ki, Ottava ilə Vaşinqton arasında etibarlı kommunikasiya kanalları yaradılıb və tərəflər arasında irəliləyiş əldə olunub. Karninin sözlərinə görə, aktiv danışıqlar prosesi artıq başlayıb.
Aytən Yaşar/ Turkustan.az
