ABŞ prezidenti Donald Tramp ölkəsinin Rusiya və Çin haqqında kəşfiyyat məlumatları topladığını, həmin ölkələrin də ABŞ-a qarşı eyni addımı atdığını bildirib.
O, bu barədə Ayova ştatında Respublikaçılar Partiyasının tərəfdarları qarşısında çıxışı zamanı danışıb.
Bunu narahatlıq doğuran hal hesab etmədiyini vurğulayan Tramp Çin və Rusiyanın ABŞ-ı izlədiyini, lakin Vaşinqtonun da bu ölkələrə qarşı eyni fəaliyyəti həyata keçirdiyini deyib.
“Biz bunu onlardan daha yaxşı edirik, ona görə də narahat olmayın”, – Tramp əlavə edib.
Tramp hansı kəşfiyyat məlumatlarının toplanıldığını və bu məsələni kimlə müzakirə etdiyini açıqlamayıb.
