Ata olmaq yalnız ailəyə yeni üzv gətirmək deyil, həm də böyük məsuliyyət deməkdir. Bir çox kişi ata olmaq arzusunu daşıyır, amma bu yolda qarşıda onları hansı çətinliklər və öhdəliklər gözləyir?
Turkustan.az bu barədə bəzi önəmli məqamları araşdırıb.
Mütəxəssislər bildirirlər ki, ata olmaq istəyən kişilər həm psixoloji, həm də maddi baxımdan hazır olmalıdır. Onların sözlərinə görə, bu prosesdə nəzərə alınmalı ən vacib məqamlar bunlardır:
Hazırlıq – Atalıq qərarı verməzdən əvvəl psixoloji və maddi durumun uyğunluğuna diqqət yetirilməlidir.
Sağlam həyat tərzi – Siqaret və alkoqoldan uzaq durmaq, düzgün qidalanmaq və idmanla məşğul olmaq həm ata, həm də körpə üçün önəmlidir.
Maliyyə planı – Körpə dünyaya gəldikdən sonra ailə büdcəsində artacaq xərclər üçün əvvəlcədən planlama aparılmalıdır.
Möhkəm münasibət – Ailə münasibətləri güclü olarsa, valideynlik prosesi daha asan keçəcək.
Psixoloji hazırlıq – Uşağın doğulması ilə həyat tərzi dəyişəcəyini qəbul etmək lazımdır.
Məlumatlanmaq – Valideynliklə bağlı kitablar oxumaq, həkim tövsiyələri və təcrübəli valideynlərin məsləhətləri faydalıdır.
Səbr – Körpənin ağlaması və yuxusuz gecələrə hazır olmaq vacibdir.
Dəstək – Həyat yoldaşının hamiləlik və doğuş müddətində yanında olmaq əsas şərtlərdəndir.
Məsuliyyət – Ata olmaq sevgi, qayğı və övlad üçün nümunə olmaqla ölçülür.
Mütəxəssislər hesab edirlər ki, bu tövsiyələrə əməl edən kişilər daha şüurlu, məsuliyyətli və güclü ata ola biləcəklər. /Yenisabah.az/
