İnsanların ən çox istehlak etdikləri içkilər arasında qəhvə əsas yerlərdən birini tutur. Hətta bir sıra ölkələrdə qəhvə əsas içki hesab edilir.
Çin alimləri hazır qəhvə istehlakının görmə itkisinə səbəb ola biləcək göz xəstəlikləri riskini artıra biləcəyini açıqlayıblar.
Turkustan.az xəbər verir ki, Çin alimləri tərəfindən aparılan yeni bir araşdırma hazır qəhvə istehlakı sonrakı həyatda görmə itkisinə səbəb ola biləcək göz xəstəliyi olan makula degenerasiyası (AMD) riskini artıra biləcəyini göstərib. Tədqiqat hazır qəhvəyə üstünlük verən insanların bu xəstəliyə tutulma ehtimalının digər qəhvə növlərini istehlak edənlərə nisbətən yeddi qat daha çox olduğunu ortaya qoyub.
Araşdırmalara görə, makula degenerasiyasında gözün tor qişasının mərkəzi hissəsi olan makula zamanla zədələnir. Bu, oxumaq, maşın sürmək və üzləri tanımaq kimi gündəlik funksiyalara mənfi təsir göstərir.
Mütəxəssislər ailəsində makula dejenerasiyası olanların, siqaret çəkənlərin, artıq çəkidən əziyyət çəkənlərin və yüksək qan təzyiqi olanların daha çox risk altında olduğunu bildiriblər. Həmçinin qeyd olunub ki, mavi və ya yaşıl gözlü insanlarda günəş işığına qarşı aşağı piqmentasiya səbəbindən makula dejenerasiyası daha çox inkişaf edir.
Hazır qəhvə istehsalı prosesində istehsal olunan “akrilamid” adlı kimyəvi maddənin qan dövranına daxil olaraq tor qişaya zərər verə biləcəyi düşünülür. Bu kimyəvi maddənin makula degenerasiyasının inkişafında təsirli ola biləcəyi bildirilir.
Tədqiqat Böyük Britaniyanın Biobank və Finlandiyadakı FinnGen konsorsiumunun genetik məlumatları ilə dəstəklənir. İştirakçıların qəhvə seçimlərini birbaşa yoxlanıb, əksinə, genetik olaraq hansı növ qəhvəyə üstünlük verən fərdlərin üstünlük verdiyi araşdırılıb. İştirakçılar genetik meyllərinə görə ani, üyüdülmüş və ya kofeinsiz qəhvə istehlakçıları kimi qruplaşdırılıb.
Nəticələrə görə, hazır qəhvə içməyə meyilli şəxslərdə quru tip makula degenerasiyasının inkişaf riski 692 faiz, yaş tipli makulyar degenerasiya riski isə 159 faiz artıb. Kofeinsiz qəhvəyə üstünlük verənlərdə "quru tip" makula degenerasiyası riskində 80 faiz artım müşahidə edilib.
Mütəxəssislər tapıntıların daha geniş tədqiqatlarla təsdiqlənməsinin lazım olduğunu bildiriblər.
Qeyd edək ki, Azərbaycanda da qəhvə istehlak edənlər kifayət qədərdir. Son illərdə isə qəhvə istehlak edənlərin sayı getdikcə artır. Bu baxımdan, insanlar həmin içkinin yaratdığı təhlükəni nəzərə almalı və sağlamlığını qorumalıdırlar. /Cebheinfo.az/
