Uqanda Baş Qərargah rəisi Muhoozi Kainerugaba bəyan edib ki, Yaxın Şərqdə müharibə qızışarsa, ölkəsi də İsraillə yanaşı münaqişəyə qoşula bilər.
Turkustan.az xəbər verir ki, Kainerugaba sosial media paylaşımında Yaxın Şərqdəki müharibənin bitməsini istədiklərini bildirərək, “Dünya bu müharibədən bezib. Lakin İsraili məhv etmək və ya məğlub etmək üçün edilən hər hansı bir cəhd bizi müharibəyə cəlb edəcək. Biz İsrailin yanında olacağıq” deyib.
İran və İsrail arasında gərginliyin artdığı bir vaxtda verilən bu bəyanat Uqandanın potensial münaqişədə açıq şəkildə tərəf tuta biləcəyinə dair bir mesaj kimi şərh edildi.
Digər tərəfdən, Kainerugaba ötən ay verdiyi başqa bir açıqlamada 1976-cı ildə Entebbe basqınında həlak olan İsrail Baş naziri Binyamin Netanyahunun qardaşı Yoni Netanyahunun şərəfinə Uqandada heykəl qoyulacağını açıqlamışdı.
Aytən Yaşar/ Turkustan.az
