Şəkidə canavarın hücumuna məruz qalan şəxslərin durumu açıqlanıb.
Şəki Rayon Mərkəzi Xəstəxanasından bildirilib ki, dekabrıən 21-də saat 22:50 radələrində tibb müəssisəsinin Təcili tibbi yardım şöbəsinə canavar dişləməsi səbəbilə 5 nəfər (3 kişi, 2 qadın) hospitalizasiya olunub.
Müxtəlif bədən xəsarətləri alan pasiyentlərə zəruri tibbi xidmətlər göstərilib.
Hazırda vəziyyətləri orta ağır olan 2 nəfərin müalicəsi müvafiq şöbədə davam etdirilir.
Vəziyyəti qənaətbəxş qiymətləndirilən 3 nəfər isə ambulator müalicə üçün evə buraxılıb. /Yeni Sabah/
