Havaların isti keçməsi ilə qida zəhərlənmələri də artıb. Ümumdünya Səhiyyə Təşkilatının məlumatına görə, hər il 600 milyon insan qida zəhərlənməsindən əziyyət çəkir. Mütəxəssislər xəbərdarlıq edir ki, zəhərlənməyə səbəb olan bakteriyalar iflic və hətta ölümə səbəb ola bilər. Bəs qida zəhərlənməsi necə diaqnoz qoyulur?
İsti havalar artdıqca qida zəhərlənməsi riski də artır. Ümumdünya Səhiyyə Təşkilatının məlumatına görə, hər il təxminən 600 milyon insan qida zəhərlənməsi ilə üzləşir. Mütəxəssislər xəbərdarlıq edir ki, zəhərlənməyə səbəb olan bakteriyalar iflic və hətta ölümlə nəticələnə bilər. Bəs, qida zəhərlənməsi nədir və onun əlamətləri hansılardır?
Qida zəhərlənməsi bakteriya, virus, parazit, toksin və kimyəvi maddələrlə çirklənmiş qidaların istehlakı nəticəsində yaranan sağlamlıq problemidir. Yay aylarında açıq şəkildə satılan qidaların istehlakının artması və isti havalarda bakteriyaların sürətlə çoxalması qida zəhərlənməsi riskini artırır.
Qida zəhərlənməsinin simptomları adətən qida qəbul edildikdən qısa müddət sonra görünür. Şiddətli ürəkbulanma, qusma, qarın ağrısı və ishal ən çox görülən simptomlar arasındadır. Bundan əlavə, zəiflik, iştahsızlıq və kramplar da baş verə bilər.
Bəzi hallarda qida zəhərlənməsi daha ciddi simptomlarla özünü göstərə bilər. Göz qapaqlarının sallanması, ikiqat görmə, başgicəllənmə, udma və danışmada çətinlik, baş və boyun nəzarətinin itirilməsi, nəfəs darlığı kimi simptomlar təcili tibbi yardım tələb edir.
Qida zəhərlənməsi adətən 1-3 gün ərzində öz-özünə keçir. Bu proses zamanı çoxlu maye içmək və istirahət etmək vacibdir. Lakin şiddətli qusma, ishal və ya simptomlar uzun müddət davam edərsə, həkimə müraciət edilməlidir.
Qida zəhərlənməsinin qarşısını almaq üçün gigiyena qaydalarına diqqət yetirmək, açıq şəkildə satılan qidalardan uzaq durmaq, qidaları müvafiq şəraitdə saxlamaq və bişirmək vacibdir. Xüsusilə yay aylarında bu mövzuda daha diqqətli olmalısınız.
Eltac Zülüfqaroğlu/Turkustan.az
