Vərəmsiz Gələcəyə Doğru İctimai Birliyi tərəfindən həyata keçirilən “Vərəmsiz Azərbaycan Kampaniyası” layihəsi çərçivəsində növbəti maarifləndirici tədbir 11 iyun 2026-cı il tarixində Bakı 1 nömrəli İxtisaslaşdırılmış Poliklinikada təşkil olunub.
QHT.az xəbər verir ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə icra edilir. Tədbirin əsas məqsədi əhali arasında vərəm xəstəliyi ilə bağlı məlumatlılığın artırılması və sağlam davranışların təşviq olunması olub. Görüşdə müxtəlif yaş qruplarını təmsil edən 25 nəfər iştirak edib. Tədbirin açılışında layihə rəhbəri Çingiz Ramazanlı layihənin məqsədləri və gözlənilən nəticələri barədə ətraflı məlumat verib.
O bildirib ki, vərəmlə mübarizədə maarifləndirmə tədbirləri xəstəliyin yayılmasının qarşısının alınmasında mühüm rol oynayır. Daha sonra söz təlimçi Dr. Mətanət Qaraxanovaya verilib. Təlimçi iştirakçılara vərəm xəstəliyinin yaranma səbəbləri haqqında geniş izahat təqdim edib.
Tədbir zamanı xəstəliyin ötürülmə mexanizmləri əyani nümunələrlə izah olunub. İştirakçılara infeksiyanın gündəlik həyatda necə yayıla biləcəyi barədə praktiki məlumatlar çatdırılıb. Erkən aşkarlanmanın müalicənin uğurlu nəticələrinə təsiri xüsusi vurğulanıb. Müasir diaqnostik üsullar barədə məlumat iştirakçıların diqqətinə çatdırılıb. Xəstəliyin ilkin əlamətlərinin vaxtında tanınmasının vacibliyi qeyd edilib. Müalicə prosesində pasiyentin məsuliyyəti və davamlılığı ayrıca mövzu kimi müzakirə olunub. Təlim zamanı dərman müalicəsinin yarımçıq saxlanılmasının yarada biləcəyi risklər izah edilib.
Çıxışlarda dərmanlara davamlı vərəm formalarının təhlükələri barədə ətraflı məlumat verilib. İştirakçılar profilaktik tədbirlərin gündəlik həyatdakı əhəmiyyəti ilə tanış olublar. Sağlam həyat tərzinin qorunmasının immun sisteminə müsbət təsiri vurğulanıb. Təlim çərçivəsində düzgün qidalanma və gigiyena qaydaları da müzakirə edilib. İştirakçıların ünvanladıqları suallar geniş şəkildə cavablandırılıb. Görüş interaktiv müzakirələr şəraitində davam edib.
Təlimçi real təcrübələrə əsaslanan nümunələr təqdim edərək mövzunun daha yaxşı mənimsənilməsinə şərait yaradıb. Vərəmlə bağlı yanlış təsəvvürlərin aradan qaldırılması istiqamətində izahlar verilib. Xəstəlik ətrafında formalaşan sosial maneələrin aradan qaldırılmasının vacibliyi diqqətə çatdırılıb. İştirakçılar arasında fikir mübadiləsi aparılıb və müxtəlif baxışlar dinlənilib.
Tədbir boyunca maarifləndirmənin ictimai sağlamlıq üçün strateji əhəmiyyəti ön plana çıxarılıb. Qeyd olunub ki, məlumatlı cəmiyyət yoluxucu xəstəliklərlə mübarizədə daha effektiv nəticələr əldə edə bilir. Layihə çərçivəsində keçirilən görüşlərin regionlarda və paytaxtda davam etdirilməsi nəzərdə tutulur. Belə təşəbbüslər vətəndaşların səhiyyə sahəsində biliklərinin artırılmasına mühüm töhfə verir.
Tədbirin sonunda iştirakçılar əldə etdikləri məlumatların faydalılığını xüsusi qeyd ediblər. Onlar gələcəkdə də bu kimi maarifləndirici görüşlərin təşkil olunmasının vacib olduğunu bildiriblər. Bakı 1 nömrəli İxtisaslaşdırılmış Poliklinikada keçirilən tədbir qarşıya qoyulan məqsədlərə uyğun şəkildə uğurla yekunlaşıb. Layihə çərçivəsində həyata keçirilən fəaliyyətlərin gələcək dövrdə də ictimai maarifləndirməyə töhfə verməsi gözlənilir.
