Bakı sakini çiyələk yedikdən sonra bədənində səpkilər əmələ gəlib və sonra dərisi soyulub.
Turkustan.az xəbər verir ki, 27 yaşlı qadının bədənində yaranan səpkilər suluğa çevrilərək üzünə qədər yayılıb.
Allergiyanın ağır formasına çevrilən yaralar pasiyenti çətin vəziyyətlə üzləşdirib. Xəstəxanaya çatdırılan qadına dərhal toksik allergik dermatit diaqnozu qoyulub.
Həkim-efferentoloq Ağa İsmayılov deyib ki, pasiyent klinikaya ağırlaşmış formada gətirilib.
Həkimin sözlərinə görə, hadisəyə səbəb meyvə yetişdirilərkən bitkiyə verilən gübrələr ola bilər. Ona görə də meyvə yeyilməzdən əvvəl mütləq yaxşıca yuyulmalıdır. Saplağı giləmeyvədən ayrılmalıdır. Əks halda orqanizmdə ciddi fəsadlara yol açır.
27 yaşlı qadının qohumları açıqlamalarında onun səhhətinin hazırda yaxşı olduğunu və müalicəsinin ev şəraitində davam etdirildiyini bildirdilər.
Daha ətraflı Xəzər TV-nin videomaterialında:
