Kaja Kallas 28 aprel 2026-cı ildə Yaxın Şərqdəki münaqişənin yaratdığı yanacaq çatışmazlığı fonunda Cənub-Şərqi Asiya ölkələrini neft tədarükü üçün Rusiyaya müraciət etməməyə çağırıb.
Turkustan.az xəbər verir ki, Reuters agentliyinin məlumatına görə, Kallas bildirib ki, Rusiya ABŞ-İsrail münaqişəsindən faydalanıb. Bu qarşıdurma dünya neft və qaz tədarükünün təxminən beşdə birinin keçdiyi əsas gəmiçilik marşrutu olan Hörmüz boğazının faktiki olaraq bağlanmasına səbəb olub.
“Xatırlatmaq istəyirəm ki, neft gəlirləri Rusiyanın Ukraynada apardığı müharibəni maliyyələşdirmək üçün istifadə etdiyi əsas mənbələrdəndir. Biz bu müharibənin bitməsində maraqlıyıq”, – deyə Kallas Bruneydə ASEAN ölkələrinin xarici işlər nazirləri ilə görüşdən sonra jurnalistlərə bildirib.
Aytən Yaşar/ Turkustan.az
