ABŞ-ın keçmiş dövlət katibi Hillari Klinton bildirib ki, Ukraynanı Rusiyanın gələcək hücumlarına qarşı həssas vəziyyətə sala biləcək atəşkəsə məcbur etmək cəhdləri edilir.
Turkustan.az xəbər verir ki, Klinton Qətərin paytaxtı Dohada 23-cü Doha Forumu çərçivəsində keçirilən sessiyada məruzəçi kimi iştirak edib.
ABŞ prezidenti Donald Trampın ikinci müddətinin dünya ölkələrinə necə təsir edəcəyi ilə bağlı sualı cavablandıran Klinton, “Amerika dəyərlərinin təməl daşlarının uzaqlaşdırıldığını” və bundan çox narahat olduğunu bildirib.
Klinton iddia edib ki, ABŞ Rusiya-Ukrayna münaqişəsində daha həlledici rol oynamalıdır.
Klinton “Putinin təcavüzü mükafatlandırılmamalıdır” deyən “Daimi təhlükəsizliyi ehtiva etməyən həllər Ukraynada sülh gətirməyəcək” deyib.
“Görünür, ukraynalılara danışıqlar yolu ilə atəşkəs və sülh sazişini qəbul etmələri üçün təzyiq cəhdləri var ki, bu da onları Rusiyanın gələcək fəaliyyətinə açıq və həssas qoyacaq”, - deyə Klinton bildirib.
Rusiyanın 2014-cü ildən bəri Ukraynada mövcud olduğuna diqqət çəkən Klinton, bunun uzunmüddətli nəticələrinin necə olacağını qiymətləndirmək lazım olduğunu vurğuladı.
Klinton Qəzzada atəşkəs əldə etməyi hədəfləyən 20 bəndlik sülh planını dəstəklədiyini və planın daimi olması üçün "sıx diplomatiya və danışıqlara" ehtiyac olduğunu bildirib.
Aytən Yaşar/ Turkustan.az
