ABŞ Mərkəzi Komandanlığı (CENTCOM) Suriyada terror təşkilatı Əl-Qaidənin yüksək rütbəli üzvünün öldürüldüyünü açıqlayıb.
Turkustan.az xəbər verir ki, Suriyada 2 oktyabr 2025-ci ildə həyata keçirilən hücumla bağlı CENTCOM-un internet saytında yazılı açıqlama verilib.
Açıqlamada CENTCOM tərəfindən həyata keçirilən hücumda Əl-Qaidə ilə əlaqəsi olan Məhəmməd Əbdülvəhhab əl-Əhmədin zərərsizləşdirildiyi bildirilib.
Yaxın Şərqdəki ABŞ qüvvələrinin terrorçuların hücumları planlaşdırma səylərini "pozmaq və qarşısını almaq" üçün bölgədə yerləşdirməyə davam etdiyi bildirilən açıqlamada hücumun yeri ilə bağlı məlumat verilməyib.
Aytən Yaşar/ Turkustan.az
