Xəbər verdiyimiz kimi, Fövqəladə Hallar Nazirliyinin (FHN) keçmiş əməkdaşı, kapitan Ayaz Bayramov 3 milyon manata yaxın dələduzluqda ittiham olunur.
Turkustan.az Bakıvaxtı.az-a istinadən bildirir ki, FHN-in Xüsusi Riskli Xilasetmə Xidmətinin sabiq rəis müavini Raul Zeynalov da aldadılanlar sırasındadır.
Sözügedən sabiq rəis müavini kimdir?
Əldə etdiyimiz məlumata görə, Raul Süleyman oğlu Zeynalov 1982-ci ildə Şəmkir rayonunda dünyaya gəlib.
O, Ali təhsilini Bakı Dövlət Universitetində alıb. Ailəlidir, iki övladı var.
Raul Zeynalov uzun müddət Fövqəladə Hallar Nazirliyinin müxtəlif qurumlarında çalışıb.
23 dekabr 2021-ci ildə FHN-in Bakı Regional Mərkəzinin rəisinin birinci müavini vəzifəsindən azad edilərək, Xüsusi Riskli Xilasetmə Xidmətinin rəis müavini təyin edilib.
16 dekabr 2024-cü ildə isəFHN-in Xüsusi Riskli Xilasetmə Xidmətinin rəis müavini vəzifəsindən azad edilib.
Qeyd edək ki, o, 39 yaşında "general-mayor" ali hərbi rütbəsi ilə təltif edilib.
Hazırda onun biznes fəaliyyəti ilə məşğul olduğu deyilir.
