İsrail ordusu Livanın cənubundakı Nəbatiyyə əyalətinin Hula qəsəbəsində Hizbullah tərəfindən hərbi məqsədlər üçün istifadə edildiyi iddia edilən binanı hədəfə alıb
Turkustan.az xəbər verir ki, hücumun təfərrüatları İsrail ordusunun X (keçmiş Twitter) hesabından verilən açıqlamada bildirilib. Açıqlamada binanın Hizbullah tərəfindən müxtəlif hərbi məqsədlərlə, o cümlədən İsrail qüvvələrinə dair kəşfiyyat məlumatlarının toplanması üçün istifadə edildiyi iddia edilərək: "Bu terror fəaliyyətləri İsrail və Livan arasındakı razılaşmaların açıq şəkildə pozulmasıdır" ifadəsi işlədilib.
Bombalama görüntülərinin də yer aldığı İsrail ordusunun postunda bombalanan binanın keçən həftə eyni bölgədə öldürülən Hizbullah üzvü Əhməd Qazi Əlinin iqamətgahı olduğu da bildirilib.
Əhməd Qazi Əlinin bölgədə Hizbullahın hərbi infrastrukturunun yenidən qurulması üçün səylər apararkən zərərsizləşdirildiyi iddia edilib.
Aytən Yaşar/ Turkustan.az
