Ölkə ərazisində qida məhsullarının qanunsuz küçə ticarətinin qarşısının alınması istiqamətində müvafiq dövlət qurumlarının birgə nəzarət mexanizmləri formalaşdırılacaq.
Turkustan.az xəbər verir ki, bununla bağlı Prezident İlham Əliyevin təsdiq etdiyi qida təhlükəsizliyinin təmin edilməsinə dair 2027−2032-ci illər üçün Dövlət Proqramında öz əksini tapıb.
Sənədə əsasən, 2028–2032-ci illəri əhatə edəcək nəzarət tədbirləri Qida Təhlükəsizliyi Agentliyi (AQTA), İqtisadiyyat Nazirliyi, Daxili İşlər Nazirliyi, yerli icra hakimiyyəti orqanları və Prezidentin xüsusi nümayəndəlikləri tərəfindən həyata keçiriləcək.
