Göyərti BAHALAŞDI – FOTO

Digər tərəvəzlər kimi göyərtinin də qiyməti artıb. Özü də 50 faiz...

Əgər ötən həftə göyərtinin bir dəsti 15-20 qəpiyə satılırdısa, bu gün 30-35 qəpiyə təklif olunur.

Maraqlıdır ki, supermarketlər son günlər göyərtini dəst yox, kiloqramla satır. Bu da təəccüb doğuran faktordur.

Məsələ münasibət bildirən iqtisadçı Natiq Cəfərli Bizim.Media-ya deyib ki, göyərtinin qiymətinin qalxmasında təəccüblü heç nə yoxdur:

“Son zamanlar bütün ərzaqlar bahalaşıb. Ən əsası dizel yanacağının qiyməti yüksəlib. Ona görə də göyərtinin qiymətinin qalxması labüddür.

Unutmayaq ki, bu spiralvari bir prosesdir. Yəni bir sahədə qiymət artırsa o zaman, digər sahənin istehsalçıları da qiymət artımına getmək məcburiyyətindədirlər. Burada söhbət təkcə məhsulun maya dəyərindən getmir. Ümumi sosial-iqtisadi proseslər bunu tələb edir. Bu xoşagəlməz tendensiyanın qarşısı alınmalıdır. Məhsul bolluğu yaratmaq istəyən istehsalçılara dəstək artırılmalıdır”.