“TRIPP layihəsi çərçivəsində əldə ediləcək gömrük və sərhəd nəzarəti texnologiyaları ölkənin digər sərhəd-keçid məntəqələrində, o cümlədən Zvartnots Beynəlxalq Hava Limanında da tətbiq olunacaq”.
Turkustan.az xəbər verir ki, bunu Ermənistanın baş naziri Nikol Paşinyan deyib.
Paşinyanın sözlərinə görə, 2025-ci il avqustun 8-də Vaşinqtonda imzalanan İrəvan-Vaşinqton razılaşması çərçivəsində ABŞ istehsalı olan yeni texnologiyalar gömrük sisteminə inteqrasiya ediləcək. O, həmçinin Fransanın Idemia konsorsiumu tərəfindən həyata keçirilən biometrik pasport sisteminin əhəmiyyətini vurğulayıb.
Bundan əlavə, Paşinyanın keçirdiyi görüşdə süni intellekt siyasəti, yüksək texnologiyaların iqtisadi inkişafdakı rolu və İT sahəsi üzrə təhsil proqramları müzakirə olunub./Globalinfo.az
