BMT-nin Baş katibi Antonio Quterreş Qəzza, Ukrayna və Sudandakı münaqişələr, süni intellektin sürətlə yayılması və pandemiyadan sonrakı dövrdə artan millətçilik səbəbindən 2025-ci ilin çətin keçdiyini bildirib və çoxtərəfli sistemin təhlükə altında olduğunu əlavə edib.
Turkustan.az xəbər verir ki, Quterreş BMT Baş Assambleyasının ilk iclasının keçirildiyi Londondakı Metodist Mərkəzi Zalında təşkil olunan və ilk sessiyanın 80 illiyi münasibətilə keçirilən "BMT Baş Assambleyası 80 ildə: 1946-cı ildən gələcəyimizə qədər" adlı simpoziumda çıxış edib.
BMT-nin təsis edilməsindəki roluna görə Böyük Britaniyaya təşəkkürünü bildirən Quterreş deyib:
"Bu gün biz Baş Assambleyanın 80-ci ildönümünü qeyd edirik və burada 51 ölkədən nümayəndələr bu salonda toplaşırlar. Həmçinin, düz 80 il əvvəl bu gün Təhlükəsizlik Şurası ilk dəfə iclas keçirdi. Bu salona çatmaq üçün nümayəndələr müharibənin izləri olan bir şəhərdən keçdilər."
Aytən Yaşar/ Turkustan.az
