Podolyakdan Lukaşenkoya xəbərdarlıq: "Pensiyaya qədər yaşamaq istəyirsə, sussun" - FOTO

"Pensiyaya qədər ehtiyatla yaşamaq, hakimiyyətin tranzitini təmin etmək və sülalə qurmaq istəyən bir adamın bu gün sadəcə susmağı daha yaxşı olardı".

Turkustan.az xəbər verir ki, bu bəyanatla Ukrayna Prezident Ofisi rəhbərinin müşaviri Mixaylo Podolyak Belarus Prezidenti Aleksandr Lukaşenkonun son çıxışlarına reaksiya verərkən çıxış edib.

Podolyakın sözlərinə görə, Ukrayna hazırda "Belarus ərazisindəki istənilən mühüm obyekti vurmaq iqtidarındadır".

Müşavir həmçinin Belarus cəmiyyətinin Ukraynaya qarşı müharibəni heç vaxt dəstəkləmədiyini vurğulayıb. O qeyd edib ki, Lukaşenko ölkə ərazisini Ukraynaya hücumlar üçün poliqona çevirməzdən əvvəl bunun fəsadları barədə ciddi düşünməli idi.


Bizim.Media