ABŞ prezidenti Donald Tramp Cənubi Amerikada fəaliyyət göstərən kartellərin ABŞ-ın milli təhlükəsizliyinə təhdid yaratdığını və bölgədəki xarici düşmənlər üçün təhlükəli tranzit yolu təmin etdiyini və buna yol verilməməli olduğunu bildirib.
Turkustan.az xəbər verir ki, Tramp Floridada Cənubi Amerika ölkələrinin liderlərinin qatıldığı "Amerika Qalxanı Zirvəsi"ndə çıxış edib.
Sammiti regiondakı cinayətkar kartelləri aradan qaldırmaq üçün yaradılan "yeni bir hərbi koalisiya" kimi xarakterizə edən Tramp, Cənubi Amerikanın uzun illər ABŞ tərəfindən laqeyd qaldığını bildirdi.
Tramp bəzi ölkələrdə kartellərin ordudan daha güclü hala gəldiyini bildirərək dedi: “Bu amansız cinayətkar təşkilatlar milli təhlükəsizliyə qəbuledilməz bir təhdid yaradır və bölgəmizdəki xarici düşmənlər üçün təhlükəli tranzit yolu təmin edir; biz buna icazə verə bilmərik”.
Tramp Meksika kartellərinin Amerika yarımkürəsindəki qan tökülməsinin və xaosun böyük hissəsini alovlandırdığını iddia etdi və ABŞ-ın milli təhlükəsizliyini və xalqını qorumaq üçün əlindən gələni edəcəyini bildirdi.
Aytən Yaşar/ Turkustan.az
