10 milyard işıq ili uzaqlıqda iki nəhəng qara dəlik toqquşdu – fiziklər nəzəriyyələrini yenidən gözdən keçirirlər.
Turkustan.az xəbər verir ki, hər birinin kütləsi Günəşin 100 qatından çox olan iki nəhəng qara dəlik uzun müddətdir bir-birinin orbitində fırlanırdı. Nəhayət, bu iki obyekt Yerdən təxminən 10 milyard işıq ili uzaqlıqda birləşərək daha da böyük bir qara dəlik əmələ gətirib.
Bu, qravitasiya dalğası detektorları tərəfindən qeydə alınmış ən iri qara dəlik birləşməsidir və bu hadisə alimləri bu cür obyektlərin necə formalaşdığına dair nəzəri modelləri yenidən nəzərdən keçirməyə vadar edib.
Qravitasiya dalğalarının siqnalı, Yerdəki protonun enindən minlərlə dəfə kiçik olan titrəmələri ölçə biləcək qədər həssas detektorlar vasitəsilə qeydə alınıb.
"Kainatda müşahidə edə biləcəyiniz ən şiddətli hadisələrdir".
Kardiff Universitetinin Qravitasiya Kəşfiyyat İnstitutunun direktoru professor Mark Hannam bu barədə bildirib:
“Bunlar kainatda müşahidə edə biləcəyimiz ən şiddətli hadisələrdir, lakin siqnallar Yerə çatdıqda ölçə biləcəyimiz ən zəif təsirlərdən olur. Bu dalğalanmalar Yerə çatdıqda o qədər kiçik olur ki, onları aşkar etmək böyük dəqiqlik tələb edir".
Aytən Yaşar/ Turkustan.az
