ABŞ Yaxın Şərqdə gərginliyin artması fonunda regiona desant qüvvələri və ekspedisiyalı dəniz piyadaları göndərir.
Turkustan.az-ın xəbərinə görə, bu barədə “Wall Street Journal” qəzeti amerikalı rəsmilərə istinadən məlumat yayıb.
Belə dəstələr adətən bir neçə hərbi gəmi və 5 min dəniz piyadasından ibarət olur.
Qəzet yazır ki, Müdafiə naziri Pit Heqset ABŞ Mərkəzi Komandanlığının yüksək hazırlıqlı desant qrupunun və ona əlavə edilən ekspedisiyalı dəniz piyadaları dəstəsinin göndərilməsi ilə bağlı müraciətini təsdiqləyib. Rəsmilər bildirirlər ki, dəniz piyadalarının bir hissəsi artıq Yaxın Şərqə çatıb.
Bu addım regiondakı gərginliyin artması və potensial təhlükələrə qarşı ABŞ-ın hərbi mövqeyini gücləndirməsi kimi qiymətləndirilir. /Globalinfo.az/
