ABŞ-da Konqresin tərkibini və ölkənin siyasi balansını müəyyənləşdirəcək ara seçkilərdə səsvermə başlayıb.
Turkustan.az xəbər verir ki, seçkilərdə Nümayəndələr Palatasının bütün 435 üzvü, Senatın 100 yerindən 35-i və 36 ştatın qubernatoru müəyyənləşəcək.
Səsvermənin nəticələri Prezident Donald Tramp administrasiyasının qanunvericilik təşəbbüslərinə və Konqresdəki siyasi qüvvələr nisbətinə birbaşa təsir göstərəcək. Seçkilərdə hansı partiyanın Konqresin hər iki palatasında üstünlüyü qoruyacağı və ya ələ keçirəcəyi əsas mübarizə mövzusudur.
Seçki günü seçki məntəqələrinin daha erkən bağlandığı ştatlardan gələcək nəticələr gecənin gedişatı ilə bağlı ilk ciddi ipuclarını verə bilər. Konqresə nəzarətin taleyinin qeyri-müəyyən olduğu yarışda erkən açıqlanan nəticələr xüsusi əhəmiyyət daşıyır.
Qeyd edək ki, 2026-cı il ara seçkilərində Senatın 35 yeri uğrunda mübarizə aparılır. Bu yerlərdən 33-ü planlı seçkilər, ikisi isə boşalmış yerlər üzrə xüsusi seçkilərdir.
Aytən Yaşar/Turkustan.az
