ABŞ İranla artan gərginlik fonunda Yaxın Şərqə ən azı 19 Hərbi Dəniz Qüvvələrinə məxsus gəmi yerləşdirib.
Turkustan.az xəbər verir ki, bu barədə "The Washington Post" ABŞ rəsmisinə istinadən məlumat yayıb.
Bildirilib ki, bölgəyə iki təyyarədaşıyan gəmi, 13 esmines, 1 amfibiya hücum gəmisi, 1 kreyser və 2 desant gəmisi göndərilib. Gəmilərin əksəriyyəti Ərəbistan dənizinin şimal hissəsində yerləşir.
Bu addım ABŞ prezidenti Donald Trampın Hörmüz boğazının təhlükəsizliyinin təmin ediləcəyini və boğazdan keçən yüklərə 20 faiz rüsum tətbiq olunacağını açıqlamasından sonra atılıb.
Qeyd edək ki, ABŞ və İran arasında gərginlik iyulun əvvəlindən yenidən artıb. Vaşinqtonun son günlər İranda və Hörmüz boğazı ətrafında yüzlərlə hədəfə zərbələr endirdiyi, Tehranın isə buna cavab verəcəyi ilə bağlı xəbərdarlıq etdiyi bildirilir./publika.az
