Avropa İttifaqı (Aİ) qlobal böhranların və maliyyə çatışmazlığının artması fonunda humanitar yardım sistemini gücləndirmək üçün yeni islahat planını açıqlayıb.
Turkustan.az xəbər verir ki, Avropa Komissiyasının yazılı açıqlamasında ehtiyacı olanlara "prinsipial humanitar yardım"ın daha effektiv şəkildə çatdırılmasına yönəlmiş islahatların qəbul edildiyi bildirilib.
Bəyanata görə, dünyada təxminən 239 milyon insanın humanitar yardıma ehtiyacı var və hazırkı maliyyələşdirmə bu qlobal ehtiyacların yarısından azını ödəyir.
Yeni təşəbbüs üç əsas sütun üzərində qurulub: "müdafiə, performans və tərəfdaşlıq".
Avropa Komissiyasının prezidenti Ursula fon der Leyen bildirib ki, Aİ çətin şəraitdə çalışan ehtiyacı olanların və yardım işçilərinin "ləyaqətini müdafiə etməyə" davam edəcək.
Von der Leyen bildirib ki, "Bu paketlə, hətta ən çətin şəraitdə belə, həyat qurtaran yardımın daha səmərəli şəkildə çatdırılmasını təmin edirik. Eyni zamanda, yardımdan asılılığı azaltmaq üçün dayanıqlılıq yaradırıq".
Aytən Yaşar/ Turkustan.az
