Tesla, SpaceX və X kimi şirkətlərin sahibi Elon Mask tərəfindən OpenAI-nin təsisçiləri və süni intellekt ChatGPT çatbotunun yaradıcısı Sem Altman və Qreq Brokmana qarşı qaldırılan məhkəmə iddiasında münsiflər heyəti Maskın əleyhinə qərar çıxarıb.
Turkustan.az xəbər verir ki, ABŞ mətbuatında yer alan xəbərlərə görə, münsiflər heyəti Kaliforniyanın Oklend şəhərindəki federal məhkəmədə baxılan iş üzrə qərarını açıqlayıb.
Doqquz nəfərdən ibarət münsiflər heyəti, Maskın OpenAI rəhbərlərinə qarşı iddialarını rədd edərək, işin müddətin bitməsindən sonra qaldırıldığına qərar verdi.
Hakim İvon Qonsales Rocers də məsləhət münsiflər heyətinin qərarını məhkəmənin qərarı kimi qəbul etdi və Maskın tələblərini rədd etdi.
Üç həftəlik məhkəmə prosesi zamanı münsiflər heyəti Mask, Altman, Brokman və Microsoft-un baş direktoru Satya Nadella da daxil olmaqla bir çox şəxsin ifadəsini dinlədi.
2024-cü ildə açılan məhkəmə iddiasında Elon Musk, Altman və onun "tərəfdaşları" tərəfindən xəyanətə uğradığını iddia edərək, OpenAI-ni "mənfəət güdməkdə" günahlandırdı.
Aytən Yaşar/ Turkustan.az
