İranın xarici işlər naziri Abbas Əraqçi Tehranda ABŞ-dan İrana mesaj çatdırmaq və iki ölkə arasında danışıqların ikinci mərhələsini planlaşdırmaq üçün İrana gələn Pakistanın Ordu Qərargah rəisi marşal Asim Munir ilə görüşüb.
Turkustan.az xəbər verir ki, İran xarici işlər nazirinin rəsmi Telegram hesabında yer alan açıqlamaya görə, Əraqçi və Munir Tehranda görüşüblər. Görüşdə İran xarici işlər nazirinin müavini Kazem Qəribabadi və İran Xarici İşlər Nazirliyinin sözçüsü İsmayıl Bekayi də iştirak etsələr də, görüşün məzmunu ilə bağlı heç bir açıqlama verilməyib.
Digər tərəfdən, İranın yarı-rəsmi Tasnim Xəbər Agentliyi yüksək vəzifəli bir məmura istinadən bildirib ki, İran Munirin rəhbərlik etdiyi nümayəndə heyəti ilə görüşdükdən sonra ABŞ ilə danışıqların növbəti mərhələsi barədə qərar verəcək. Ağ Evin açıqlamasında Pakistanın yeganə vasitəçi olduğu növbəti görüşün çox güman ki, İslamabadda keçiriləcəyi bildirilir.
Aytən Yaşar/ Turkustan.az
