ABŞ, İsrail və İran arasında potensial müharibə ilə bağlı qeyri-müəyyənlik fonunda Livanda diqqətçəkən diplomatik və təhlükəsizlik inkişafı baş verib.
Turkustan.az xəbər verir ki, Livan hökuməti Hizbullahın hərbi fəaliyyətini “qanunsuz hərəkətlər” kimi qiymətləndirərək təşkilatdan silahlarını təhvil verməsini və rolunu yalnız siyasi sahə ilə məhdudlaşdırmasını tələb edib.
Baş nazir Nawaf Salam verdiyi açıqlamada hökumətin dövlətin qanuni institutlarından kənarda həyata keçirilən heç bir silahlı fəaliyyəti qəbul etmədiyini vurğulayıb.
O bildirib: “Biz Hizbullahın hərbi fəaliyyətini qadağan edirik və rolunu siyasi sahə ilə məhdudlaşdırırıq. Hərbi qurumlardan bu qərarın icrasını təmin etmələrini tələb edirik.”
Aytən Yaşar/ Turkustan.az
