Birləşmiş Millətlər Təşkilatının Təhsil, Elm və Mədəniyyət Təşkilatı (UNESCO) ABŞ və İsrailin 28 fevralda İranın Minab şəhərində qızlar ibtidai məktəbinə etdiyi hücumun beynəlxalq hüququn pozulması olduğunu bildirib.
Turkustan.az xəbər verir ki, UNESCO yazılı açıqlamasında Yaxın Şərqdə davam edən hərbi gərginliyin təhsil müəssisələrinə təsiri ilə bağlı dərin narahatlığını ifadə edib.
Bəyanatda İranın cənubundakı Minab şəhərində qızlar məktəbinə edilən və çoxlu sayda şagird də daxil olmaqla 100-dən çox insanın ölümünə səbəb olan hücum xatırladılıb və "Təhsilə həsr olunmuş bir yerdə şagirdlərin öldürülməsi beynəlxalq hüquqa əsasən məktəblərə verilən qorumanın ciddi şəkildə pozulmasıdır" deyilib.
Bəyanatda bu hücumların təhsil hüququnu pozduğu vurğulandı və tərəflərə Birləşmiş Millətlər Təşkilatının Təhlükəsizlik Şurasının 2601 saylı Qətnaməsinə əsasən məktəbləri, təhsil işçilərini və şagirdləri qorumaq öhdəlikləri xatırladıldı.
İran dövlət televiziyası fevralın 28-də ABŞ və İsrailin Hormozqan əyalətinin Minab şəhərində qızlar ibtidai məktəbinə hücumu nəticəsində 153 şagird və müəllimin öldüyünü açıqlayıb.
Aytən Yaşar/ Turkustan.az
