Rusiya Xarici İşlər Nazirliyi ABŞ və İsrailin İran İslam Respublikasına qarşı həyata keçirdiyi əməliyyatları qınayıb və bu hərəkəti beynəlxalq hüququn əsas prinsiplərinə və normalarına zidd adlandırıb.
Turkustan.az xəbər verir ki, nazirliyin rəsmi saytında yayımlanan məlumatda bildirilir ki, bu hücumlar yenidən danışıqlar prosesi örtüyü altında həyata keçirilib və bu, İranla bağlı uzunmüddətli normal vəziyyəti təmin etmək məqsədilə nəzərdə tutulmuş kimi göstərilib.
Rusiya Xarici İşlər Nazirliyi həmçinin vurğulayıb ki, bu hücumlar həyata keçirilərkən İsrailin iranlılarla hərbi qarşıdurmaya marağı olmadığı barədə Moskvaya siqnallar göndərilmişdi.
Nazirlik beynəlxalq ictimaiyyətin, o cümlədən Birləşmiş Millətlər Təşkilatı və Beynəlxalq Atom Enerjisi Agentliyinin bu məsuliyyətsiz addımlara obyektiv və tərəfsiz qiymət verməsinin vacibliyini qeyd edib. Bu hərəkətlərin məqsədi Yaxın Şərqdə sülh, sabitlik və təhlükəsizliyi zəiflətməkdir.
Bəyanatda həmçinin deyilir ki, Vaşinqton və Tel-Əviv yenidən təhlükəli bir avantüraya başlayıblar və bu, bölgəni sürətlə insan, iqtisadi və hətta radioloji fəlakət riskinə yaxınlaşdırır./modern.az
