Ukrayna Prezidenti Volodimir Zelenski ABŞ-ın Rusiya-Ukrayna müharibəsini dayandırmaq üçün tərəflərə konkret vaxt qoyduğunu bəyan edib.
Turkustan.az xəbər verir ki, rəsmi Vaşinqton builki yayın əvvəlinə qədər münaqişənin dondurulmasını və ya sülh sazişinin imzalanmasını hədəf seçib.
Prezident Zelenski bu barədə çıxışında deyib:
"Amerikalılar tərəflərə müharibəni bu yayın əvvəlinə qədər dayandırmağı təklif edirlər. Çox güman ki, onlar məhz bu qrafikə uyğun olaraq tərəflərə təzyiq göstərməyə başlayacaqlar".
Axios: "Ağ Ev qətiyyətlidir"
Prezidentin bu açıqlaması "Axios" nəşrinin tanınmış müxbiri Barak Ravidin bir neçə gün əvvəl yaydığı insayder məlumatlarını təsdiqləyir. Ravidin məlumatına görə, Donald Tramp administrasiyası iyuna qədər "diplomatik sıçrayış" əldə etmək üçün həm Kiyevə, həm də Moskvaya qarşı müvafiq rıçaqlardan istifadə etməyi planlaşdırır:
Kiyev üçün: Hərbi və maliyyə yardımının gələcək taleyi bu müddət ərzində nümayiş etdiriləcək konstruktivlikdən asılı ola bilər.
Moskva üçün: Sanksiyaların qismən yumşaldılması və ya dondurulmuş aktivlərlə bağlı şərtlər masaya qoyulub.
Niyə məhz iyun?
Siyasi ekspertlər "iyun" təqvimi üçün bir neçə həlledici səbəbi qeyd edirlər:
İqtisadi tükənmə: Hər iki ölkənin hərbi büdcələri 2026-cı ilin ortalarından etibarən ciddi kəsirlərlə üzləşə bilər (Zelenskinin bir neçə gün əvvəl Rusiyanın 100 milyardlıq kəsiri barədə dediyi bəyanatı xatırlayın).
NATO Sammiti: İyun ayında keçiriləcək NATO sammitinə qədər Ukrayna üçün "aydın yol xəritəsi"nin olması vacibdir.
Seçki vədləri: ABŞ-ın yeni administrasiyası seçkiönü verdiyi "müharibəni tezliklə dayandırmaq" vədini 2026-cı ilin birinci yarısında reallaşdırmaq niyyətindədir.
Hazırda cəbhədəki hərbi vəziyyət və Rusiyanın enerji sisteminə zərbələri fonunda bu "qrafik" kifayət qədər iddialı görünür. Lakin Vaşinqtonun bu cür konkret müddət müəyyən etməsi diplomatik təzyiqlərin yeni səviyyəyə keçdiyindən xəbər verir./Musavat.com
