Almaniyanın xarici işlər naziri Yohan Vadeful Ukrayna üçün etibarlı Qərb təhlükəsizlik zəmanətlərinin, ilk növbədə ABŞ-ın vacibliyini vurğuladı.
Turkustan.az xəbər verir ki, bu barədə o, DPA agentliyinə bildirib .
Nazir təhlükəsizlik zəmanətlərindən danışarkən qeyd edib ki, "bu, əlbəttə ki, Rusiyanın təkrar hücumu halında Ukraynanı dəstəkləməyi vəd edənlərin öhdəliyi və həqiqi hazırlığı deməkdir".
Alman nazirin sözlərinə görə, Ukrayna sülh müqaviləsi çərçivəsində, o cümlədən mümkün ərazi müqavilələri çərçivəsində güzəştlərə yalnız Qərbin, ilk növbədə ABŞ-ın etibarlı təhlükəsizlik zəmanətləri ilə müşayiət olunduğu təqdirdə gedə bilər .
Diplomat qeyd edib ki, avropalılar da öz töhfələrini verməlidirlər.
Vadeful əlavə edib ki, bu zəmanətlərin nədən ibarət olacağı atəşkəs əldə edildikdən və Rusiyanın həqiqətən də sülh barədə ciddi düşünməyə hazır olduğu aydın olduqdan sonra daha ətraflı müzakirə olunacaq.
O qeyd etdi ki, Rusiya Federasiyası özünü danışıqlara hazır kimi təqdim edir, lakin bu, əsl sülhə hazırlıqla eyni deyil.
Aytən Yaşar/ Turkustan.az
