Almaniyanın xarici işlər naziri Johann Wadephul bildirib ki, onlar Rusiya-Ukrayna müharibəsi ilə bağlı hakimlər deyil, Ukraynanın vəkilidirlər.
Turkustan.az xəbər verir ki, dünən başlayan Avropa Birliyi (AB) Xarici İşlər Nazirləri Toplantısı çərçivəsində Belçikanın paytaxtı Brüsseldə olan Wadephul jurnalistlərin suallarını cavablandırıb.
ABŞ-ın Rusiya-Ukrayna müharibəsini bitirmək üçün hazırladığı 28 bəndlik planı necə qiymətləndirdiyini soruşduqda, Vadephul “bu planı Ukrayna və Rusiya arasında təcili müzakirə edilməli olan məsələlərin siyahısı kimi görür” cavabını verib.
Bunu son plan hesab etmədiyini bildirən Wadephul, ABŞ-ın hər iki tərəfi masaya oturtmaq səylərini alqışladığını söylədi.
Ukraynanın bu maddələrlə bağlı güclü danışıqlar mövqeyindən çıxış etməsini təmin etmək istədiklərini vurğulayan Wadephul davam etdi:
"Nə güzəştə getməyə qərar verəcək Ukraynadır. Necə ki, Rusiya öz qərarlarını verəcək. Biz burada hakim deyilik, amma biz Ukraynanın müdafiəçisiyik. Çünki Ukrayna öz azadlığını və Avropanın azadlığını müdafiə edir".
Vadephul qeyd edib ki, Almaniyanın mövqeyi bu məsələdə Avropanın mövqeyidir və onlar Ukraynanı dəstəkləyirlər.
Aytən Yaşar/ Turkustan.az
