Çində baş verən şok hadisədə sərnişin eniş etdikdən sonra "təmiz hava almaq istədiyini" deyərək təyyarənin təcili çıxış qapısını açıb.
Turkustan.az xəbər verir ki, mayın 11-də Çin Şərqi Hava Yollarına məxsus MU5828 saylı Çanşadan Kunminqə uçan təyyarədə baş verən insident təyyarə eniş zolağında irəliləyərkən baş verib. Kişi sərnişin qəflətən təcili çıxışın dəstəyini çəkərək qapını açıb.
Şahidlərin dediyinə görə, adam sakit görünüb və sadəcə təmiz hava almaq istədiyini deyib. Bu gözlənilməz hərəkət kabinədə çaşqınlıq yaradıb. Ekipaj vəziyyəti həll edərkən digər sərnişinlər təxminən 20 dəqiqə təyyarədə gözləməli olublar.
Xəsarət alan olmasa da, gənc kişi sərnişin polis tərəfindən sorğu-sual olunmaq üçün təyyarədən çıxarılıb. Çində təyyarədə təcili çıxış qapısının açılması şəraitdən asılı olaraq 10-20 min funt-sterlinq (təxminən 20-40 min dollar) cərimə ilə nəticələnə bilər.
Bu həftəki hadisə son vaxtlar səmada baş verən yeganə qəribə hadisə deyil. Bu ilin əvvəlində Şanxaya uçan United Airlines reysi pilot pasportunu unutduğu üçün üç saatdan sonra yenidən Kaliforniyaya qayıtmaq məcburiyyətində qalıb.
Aytən Yaşar/ Turkustan.az
