Pakistan Səudiyyə Ərəbistanı, Qətər və Türkiyənin tələblərinə cavab olaraq, Ramazan bayramı ərəfəsində Əfqanıstandakı hərbi əməliyyatları müvəqqəti olaraq dayandırdığını açıqladı.
Turkustan.az xəbər verir ki, Pakistanın informasiya naziri Attaullah Tarar ABŞ-da yerləşən X şirkətinin sosial media hesabı vasitəsilə məsələ ilə bağlı açıqlama verib. Tarar bildirib ki, Pakistan qarşıdan gələn Ramazan bayramı ilə əlaqədar və Səudiyyə Ərəbistanı, Qətər və Türkiyənin tələbi ilə Əfqanıstandakı hərbi əməliyyatlarını müvəqqəti olaraq dayandırıb.
Tarar bu fasilənin 18 mart gecə yarısından başlayacağını və 23 və 24 mart gecə yarısına qədər davam edəcəyini bildirib və əlavə edib ki, Pakistan sərhədləri daxilində hər hansı bir hücum və ya terror hadisəsi baş verərsə, əməliyyatlar bərpa olunacaq.
Aytən Yaşar/ Turkustan.az
