Türkiyə ilə Yunanıstan arasında münasibətlərin gərgin olduğu bir vaxtda BMT-də iki ölkə arasında diplomatik qarşıdurma yaşanıb.
Turkustan.az xəbər verir ki,Afina BMT Təhlükəsizlik Şurasına rotasiyalı sədrliyindən istifadə edərək Ankaraya qarşı ittihamlar səsləndirib. Türkiyənin cavabı isə gecikməyib. BMT-dəki qarşılıqlı bəyanatlar iki ölkə arasında mövcud olan dərin fikir ayrılıqlarını bir daha üzə çıxarıb.
Yunanıstanın Baş naziri Kiriakos Mitsotakis BMT-də “İnkişaf etməkdə olan texnologiyalar və dəniz təhlükəsizliyi” mövzusunda keçirilən iclasda çıxışı zamanı Türkiyə-Liviya arasında imzalanmış dəniz sərhədlərinin müəyyənləşdirilməsi sazişini hədəf alıb.
İclasda çıxış edən Türkiyənin BMT-dəki daimi nümayəndəsi, səfir Əhməd Yıldız Mitsotakisin ittihamlarına cavab verərək beynəlxalq hüququn xəritə və ya şüarlarla məhdudlaşdırıla bilməyəcəyini bildirib.
Aytən Yaşar/Turkustan.az
