Ermənistanın Baş naziri Nikol Paşinyan, Azərbaycanın digər ərazilərini Naxçıvanla birləşdirəcək yolun Ermənistan ərazisindən keçən hissəsində erməni sərhədçilərinin yerləşdirilib-yerləşdirilməyəcəyi məsələsinə aydınlıq gətirib.
Turkustan.az xəbər verir ki, bu barədə o, bu gün keçirilən mətbuat konfransında danışıb.
Paşinyan qeyd edib ki, Ermənistan sərhədçiləri əsasən dövlət sərhədində xidmət aparırlar: “Bəli, sözügedən yol üzərində də Ermənistanın suverenliyi çərçivəsində sərhədçilərimiz olacaq. Bu zaman vətəndaşlarla birbaşa təmas olmayacaq, çünki keçidlər biometrik pasportların yoxlanılması ilə həyata keçiriləcək. Amma hər hansı problem yaranarsa, bu məsələ diqqətə alınmalıdır”./yenisabah.az
