ABŞ-nin son 48 saatda Avropa və Yaxın Şərq bölgəsindəki bazalarına çox sayda döyüş təyyarəsi və müvafiq hərbi elementlər cəlb etdiyi müşahidə olunub.
Turkustan.az xəbər verir ki, ABŞ İranla dünən Cenevrədə apardığı danışıqlardan dərhal sonra Yaxın Şərq və Avropa bölgəsinə sursat daşımağa davam edir.
Açıq mənbəli kəşfiyyat məlumatlarını izləyən və təhlil edən bəzi sosial media hesablarının verdiyi məlumata görə, ABŞ-nin son günlərdə Yaxın Şərq bölgəsinə göndərdiyi döyüş təyyarələri və digər elementlər 2025-ci ilin iyununda İrana qarşı həyata keçirilən hücum zamanı istifadə edilənlərlə eynidir.
Əldə edilən uçuş məlumatlarına görə, ABŞ-dəki Virciniya ştatında yerləşən "Joint Base Langley-Eustis" bazasından gələn 6 ədəd “F-22” tipli qırıcı təyyarə dünən etibarilə İngiltərədəki "RAF Lakenheath" bazasına çatıb.
Qətərdəki "Əl-Udeid" aviabazasından təyinat uçuşları həyata keçirən bir "RC-135 Rivet Joint" siqnal kəşfiyyat təyyarəsi də Aralıq dənizindəki Krit adasına köçürülüb.
Dünən Hörmüz boğazında patrul xidməti aparan bir təyyarə də daxil olmaqla, çox sayda "P-8 Poseidon" dəniz patrul təyyarəsi Yaxın Şərqdə təyinat uçuşları yerinə yetirir.
16 fevralda İngiltərədəki "RAF Lakenheath" bazasından 18 ədəd “F-35” təyyarəsinin havada yanacaqdoldurma tankerlərinin müşayiəti ilə bölgəyə doğru yola çıxdığı müşahidə edilib.
ABŞ-nin, həmçinin dünən İngiltərədəki "RAF Mildenhall" aviabazasına iki ədəd "E-3 Sentry AWACS" havadan komanda və idarəetmə təyyarəsi göndərdiyi qeyd olunub. /cebheinfo.az/
