İranın xarici işlər naziri Abbas Əraqçinin ailə üzvləri ilə birlikdə Livana getdiyi və onların ölkədə qeyri-müəyyən müddətə qalacağı açıqlanıb.
Turkustan.az “Unikal”a istinadla xəbər verir ki, bu barədə İraq əsilli livanlı jurnalist və tədqiqatçı Əbdül Hüseyn “X” sosial şəbəkəsində yazıb.
O bildirib ki, Əraqçi ailəsini Livana səfəri zamanı özü ilə aparıb.
Jurnalist qeyd edir ki, Əraqçi, həyat yoldaşı Arzu Əhmədvənd, qızı Sadat və iki oğlu — Seyidhüseyn və Seyidrza ilə birlikdə Beyruta gəlib. Ailənin Livandakı İran diplomatlarına məxsus şəxsi evlərdə yerləşdirildiyi və qalma müddətinin qeyri-müəyyən olduğu bildirilir.
Əbdül Hüseyn onu da bildirib ki, İranın ali rəhbəri Əli Xameneinin Moskvaya getməsi ehtimalı azdır. Jurnalistin fikrincə, Xameneinin mümkün təyinat yeri Beyrut ola bilər.
